A portavoz do PP de Vigo, Elena Muñoz, avisou nun tuit o pasado 7 de agosto de que o lugar no que ía celebrarse o festival de música e deporte O Marisquiño non estaba "en condicións" pola presenza de madeiras "rotas" e "puntas ao aire".
"O Paseo das Avenidas", engadía, referíndose á zona na que se esborrallou a estrutura desde a que se seguía un concerto, "presenta unha situación perigosa".
E, tras remarcalo, escribía: "Esperemos polo ben de todos que non pase nada durante nin despois do evento", á vez que urxía o seu arranxo ao Concello presidido polo alcalde socialista Abel Caballero.
A pasada madrugada, o derrube dunha pasarela neste punto da cidade saldouse con máis de tres centenares de feridos, sete dos cales seguen ingresados, dous deles na Uci, en ningún caso con risco vital.
Esta es semana de #OMarisquiño pero el lugar donde se celebra no está en condiciones. Maderas rotas, puntas al aire... el Paseo de las Avenidas presenta una situación peligrosa. Esperemos por el bien de todos que no pase nada durante ni después del evento. https://t.co/XtTAS7rNpi
— Elena Muñoz Fonteriz (@ElenaMunozF) 7 de agosto de 2018
