O Papa Francisco, os Reis de España, os Reis eméritos, o presidente do Goberno, o da Xunta e varios conselleiros e alcaldes atópanse entre as personalidades e autoridades que recibirán estes días unha bolsa enviada polo Concello de Padrón para promocionar os pementos.
O alcalde, Antonio Fernández, a través dunha nota de prensa, explica que se trata dunha "tradición institucional e protocolaria" coincidindo co comezo da tempada de produción.
O obxectivo é promocionar e situar no mercado os "verdadeiros e auténticos" pementos de Padrón, "fronte a outros que xa levan meses vendéndose baixo o paraugas deste nome e que en realidade son importados".