O expresidente do Goberno Mariano Rajoy non estará o próximo 1 de setembro no tradicional acto de apertura do curso político en Galicia, unha cita á que nunca faltaba e cuxo protagonismo recae no líder do PP, Pablo Casado, e o titular da Xunta, Alberto Núñez Feijóo.
O escenario elixido é a Carballeira de San Xusto, no concello pontevedrés de Cerdedo-Cotobade, o lugar no que Rajoy xa procedeu a este evento formal en dúas ocasións, pero non así nesta ocasión, como informaron fontes do partido.
"ORGULLO". Para os populares galegos, indican nunha nota, é un "orgullo" constatar a especial atención que o líder do PP nacional ten cara a Galicia e o PPdeG, xa que para o inicio da súa campaña interna co obxecto de presidir o partido xa elixira esta Comunidade.
"Contar coa súa participación no acto do próximo sábado será, polo tanto, unha mostra máis do seu recoñecemento ao Partido Popular de Galicia", subscribe este comunicado remitido á prensa.
O inicio do curso político en Cerdedo-Cotobade será o punto de partida dun período "intenso e apaixonante", que culminará coas eleccións municipais de 2019.
