O equipo do Grupo Especial de Actividades Subacuáticas (GEAS) da Garda Civil rescatou o corpo sen vida do home de 48 anos, veciño de Xinzo e de orixe portuguesa, que desaparecera este sábado en encoro das Conchas, na praia do Corgo, en Muíños (Ourense).
Así o informou a Garda Civil minutos logo das doce do mediodía, precisando que se trata dun home de 48 anos, C.A.S.A. A súa desaparición produciuse cando estaba a nadar en compañía dun familiar, e tras afundirse, perdéuselle de vista, ás 19,.2 horas do sábado.
Ata o lugar desprazáronse durante o sábado efectivos do 061, Urxencias Sanitarias e membros do GES de Muíños e Lobios, así como axentes da Garda Civil. Durante a mañá, incorporouse persoal especializado do GEAS para realizar a procura en profundidade no río.
