Os bombeiros e a Policía Local de Vigo rescataron este martes a un veciño de 88 anos que vivía nun baixo rodeado de televisores vellos e outros aparellos electrónicos.
En home está impedido e podería padecer síndrome de diógenes, xa que ao entrar os sanitarios no local non podían abrir a porta pola cantidade de televisores que obstaculizaban o paso.
Os efectivos de rescate acudiron ao lugar alertados polo fillo do ancián, quen asegurou que o seu pai se negaba a abandonar o baixo.
Para chegar ata o home, os bombeiros abríronse paso a empuxóns entre a chatarra e, entre catro, conseguiron sacalo para trasladalo a un centro médico.
