martes. 24.11.2020 |
El tiempo
martes. 24.11.2020
El tiempo

Unha residencia integrada de Vigo acolle a catro maiores de DomusVi Ribadumia

Unha usuaria dunha residencia de maiores. BRAIS LORENZO
Unha usuaria dunha residencia de maiores. BRAIS LORENZO
Galicia alcanza os 606 positivos en residencias de maiores e discapacidade
 

A Xunta habilitou unha residencia integrada en Vigo, a segunda en Galicia nesta segunda onda da pandemia do coronavirus, na que aloxa desde este xoves a catro usuarios de DomusVi Ribadumia, intervida pola administración galega este mércores tras detectar 25 contagios.

A residencia en cuestión é a Boullosa Pardo de Beira, na zona do Calvario, e aínda non abrira pero estaba a piques de facelo, detallan a Efe fontes da Consellería de Política Social, que aproveitou a conxuntura para habilitala como centro para contaxiados que non precisan de hospitalización.

Entre os seus catro primeiros ingresados figura unha muller cuxa familia denunciou nas últimas horas descoñecer cal era o seu paradoiro tras a intervención do xeriátrico DomusVi Ribadumia, aseguran as fontes.

A outra residencia integrada habilitada ata o momento en Galicia é o Centro Galego de Desenvolvemento Integral (Cegadi), que abriu o pasado domingo e acolle a 29 maiores procedentes de Silleda, Ribadavia e Boqueixón.

Este centro, situado no barrio de Salgueiriños, ten capacidade para 60 usuarios.

Polo momento, a Xunta interveu as residencias de maiores do Irixo e Outeiro de Rei, en Lugo; Os Gozos, en Pereiro de Aguiar (Ourense); O Piñeiral de Culleredo, na Coruña; e Salvaterra e Ribadumia (Pontevedra).

BALANCE.  Os casos activos de covid-19 en residencias de maiores e de discapacidade creceron este xoves ata os 606, segundo os datos achegados pola Consellería de Política Social e polo Servizo Galego de Saúde (Sergas). 

Entre os novos casos rexistrados destacan os once positivos detectados no fogar residencial San Miguel, situado no municipio pontevedrés de Silleda, onde se contaxiaron cinco usuarios e seis traballadores. 

Ademais, deron positivo un residente e un traballador da residencia de maiores Santa (Boqueixón), un usuario da residencia Nosa Señora dos Anxos (Ribadavia), un usuario da residencia de atención á discapacidade Pai Menni (Betanzos) e traballadores -un en cada unha delas- das residencias de San Cibrao (Cervo), Nosa Señora dos Milagres (Barbadás), Nosa Señora Valvanera (Cambados) e Ballesol (Vigo). 

Retíranse do cómputo, pola súa banda, dez traballadores destas residencias, dúas en Nosa Señora do Rosario (A Cañiza) e de Ballesol (Oleiros), e un en DomusVi (A Coruña), San José-Hermanitas (Narón), Nosa Señora de Fátima (O Barco de Valdeorras), Nosa Señora dos Milagres (Barbadás), A Saleta (San Cristovo de Cea) e Campolongo (Pontevedra). 

Tras estes cambios, os contagios rexistrados na residencias sitúanse en 364 usuarios e 196 traballadores, mentres que nos centros de discapacidade hai 24 usuarios e 22 traballadores que deron positivo por covid-19. 

Unha residencia integrada de Vigo acolle a catro maiores de DomusVi...
comentarios