Salvamento Marítimo retomou este sábado, a pesar da mala visibilidade, a procura do tripulante do Sin Querer Dos que continúa desaparecido tras naufragar este barco de cerco o pasado mércores a catro millas e media de Cabo Fisterra. A entidade dependente do Ministerio de Fomento sinalou que durante a mañá dedicouse a iso o helicóptero Cuco da Garda Civil e pola tarde sumarase o avión Sasemar 102, ademais do labor que executan as patrullas de Protección Civil, que fan o rastrexo por terra.
Tres dos falecidos neste accidente, todos eles pais de familia, son de Cambados; o patrón, Manuel Serén, e os mariñeiros Teófilo Rodríguez e Bernardino Padín, así como o desaparecido ao que se busca, Guillermo Casais, e, como eles, tamén un dos seis sobreviventes.
O barco regresaba a casa, logo de estar pescando, para que a tripulación pasase as festas do Nadal cos seus.
A mala visibilidade impediu á primeira hora os labores de rastrexo por mar e terra.
