O presidente do Goberno, Pedro Sánchez, considerou este domingo que o futuro das plantas de produción de aluminio de Alcoa na Coruña e Avilés está garantido tras a acción do seu Executivo nestes nove meses.
"Garantimos un futuro para Alcoa", asegurou Sánchez, que nun acto político que o levou ao polideportivo San Francisco Javier, sacou peito por ser capaz de xestionar este conflito laboral, pola ameaza de peche, e destacou medidas de choque talles como a aprobación dun estatuto do consumidor electrointensivo.
Precisamente traballadores da multinacional, e de Poligal, recibiron con protestas ao presidente do Goberno, Pedro Sánchez, á súa chegada ao recinto e, durante a súa intervención e a doutros dirixentes socialistas, escoitáronse os cánticos nos que demandaban solucións.
Ataviados con camisetas reivindicativas, portaron pancartas con mensaxes reivindicativas como "Peche non" ou "Poligal solución". Ademais, entoaron varios cánticos dirixidos ao presidente como "Pedrito, bótalle ovos" ou, no caso de Alcoa, "A solución, unha intervención", ao reclamar que sexa o Estado o que tome o control da empresa para garantir a súa viabilidade.
Pola súa banda, Sánchez garantiu que se avanza no bo camiño e no seu discurso tamén valorou o compromiso da Administración central con Galicia desde a súa chegada, xa que o seu labor permitirá "que a Ave chegue en tempo e forma" a pesar de, ao seu xuízo, a inacción durante os anos de Mariano Rajoy.
