O incendio rexistrado no depósito de serraduras dunha fábrica de madeira do lugar de Ribela, no municipio ourensán de Coles, quedou extinguido.
Segundo informou o CAE 112 Galicia, as chamas orixináronse pasadas as 19,00 horas da tarde do xoves e, a pesar de que quedaran extinguidas, reaviváronse na madrugada deste venres.
Antes das 14,00 horas, os bombeiros comunicaron que estaba "totalmente apagado". Tras recibir a alerta, ao lugar desprazáronse os Bombeiros de Ourense e San Cibrao, efectivos do GES de Pereiro de Aguiar e de Protección Civil de Coles.
A pesar de que os servizos de urxencia baleiraron o depósito e procederon a arrefriar o lugar na tarde do xoves, ás 5,00 horas deste venres o persoal da fábrica informou de que o lume se reproduciu debido á cantidade de madeira que había acumulada e que quedaba sen retirar.
Extinguido o incendio xerado nunha fábrica de madeira de Coles
O lume orixinouse na tarde do xoves e a pesar de que quedou extinguido ao mediodía deste venres, volveu reavivarse
