A Garda Civil detivo en Vigo ao presunto autor de 24 roubos no interior de varios coches estacionados en praias de Baiona e Nigrán.
Os feitos ocorreron o pasado verán na praia de Ladeira e praia América e producíanse, segundo as investigacións da Garda Civil, entre a catro e as oito horas da tarde.
O botín adoitaba estar composto por teléfonos móbiles e diñeiro que quedaba no interior dos vehículos.
Os coches eran, normalmente, da mesma marca e modelo pola maior facilidade que ofrecían para a apertura.
A recuperación da un dos teléfonos móbiles roubados nun establecemento de compra venda de obxectos de segunda man en Vigo levou á Garda Civil a centrar as súas investigacións nun mozo que residía na cidade.
A detención realizouse a semana pasada nun hostal de Vigo e o detido, posible autor de 12 delitos de roubo e outros tanto de furto, está en liberdade provisional investigado.
