Os trens entre Galicia e Madrid circulan a partir deste xoves pola nova variante de La Hiniesta, na provincia de Zamora. Así, os pasaxeiros "xa non terán que realizar transbordo", segundo destacou Renfe nun comunicado.
E é que o pasado 3 de agosto estableceuse un desvío que obrigaba os viaxeiros a percorrer tramos en autocares. O operador ferroviario estableceu de xeito provisional un plan alternativo de transporte por estrada para os pasaxeiros dos trens que circulaban entre Galicia, Zamora e Madrid e para o servizo de media distancia entre Poboa de Sanabria e Valladolid.
A compañía pide "desculpas" aos seus clientes polas "posibles molestias" e informa de que se aplicarán as indemnizacións que veñen recollidas nas condicións de postventa".
