miércoles. 21.10.2020 |
El tiempo
miércoles. 21.10.2020
El tiempo

O TSXG acorda que os membros da carreira xudicial traballen de forma presencial desde hoxe

Sede do Tribunal Superior de Xustiza de Galicia. ADP
Sede do Tribunal Superior de Xustiza de Galicia. ADP
Recuperarán a quenda ordinaria previa á declaración do estado de alarma

A Sala de Goberno do Tribunal Superior de Xustiza de Galicia (TSXG) acordou que os membros da carreira xudicial traballen de forma presencial a partir deste martes. 

Segundo informou o TSXG nun comunicado, "as quendas de presenza e dispoñibilidade dos xuíces e xuízas de todos os órganos xudiciais de Galicia quedan suprimidos, recuperándose a quenda presencial ordinario previa á declaración do estado de alarma", segundo consta no acordo adoptado este luns en reunión extraordinaria pola Sala de Goberno. 

A decisión tomouse tras a publicación da Orde JUS/430/2020, de 22 de maio, pola que se activa a Fase 2 do Plan de Desescalada para a Administración de Xustiza ante o Covid-19 e, engade o TSXG, "tendo en conta a resolución de 25 de maio de 2020 na que a Xunta decreta que as oficinas xudiciais deben contar coa presenza de entre un 60% e 70% do persoal efectivo".

QUENDAS PRESENCIAIS. O pasado 4 de maio a Sala de Goberno do TSXG xa deixara sen efecto o sistema de quendas presenciais aprobado o 15 de marzo para permitir a todos os xuíces de Galicia a posibilidade de traballar de forma presencial. 

Quen entón xa optaron voluntariamente por esa opción fixérono, do mesmo xeito que os que se reincorporen este martes, puntualiza o alto tribunal galego, "cumprindo as indicacións e prevencións sanitarias que se recollen na Guía de Boas Prácticas para a Reactivación da Actividade Xudicial e Adopción de Medidas de Saúde Profesional para a Prevención de Contagios en Sedes Xudiciais", aprobada polo Consello Xeral do Poder Xudicial o pasado 29 de abril. 

O TSXG acorda que os membros da carreira xudicial traballen de...
comentarios