Un home resultou ferido este sábado en Ribeira tras sufrir un accidente co tractor co que recollía leña no monte, na zona de Deán Grande.
Segundo informou o CAE 112 Galicia, foi a súa muller a que alertou do accidente minutos antes das 10.00 horas, momento no que foron informados os servizos de Urxencias Médicas, a Policía Nacional, a Policía Local, Protección Civil e a Garda Civil.
Os feitos ocorreron nunha parcela situada moi preto do Hospital do Barbanza, polo que uns familiares decidiron trasladar ao home polos seus propios medios a ese centro sanitario.
Un ferido nun accidente de tractor en Ribeira
Atopábase recollendo leña nun monte na zona de Deán Grande