Un mozo de nacionalidade marroquí, de 23 anos, foi detido sobre as 11.30 horas deste mércores tras protagonizar un incidente no Arsenal Militar de Ferrol, ao lograr entrar no seu interior e lanzarse á auga.
O agora detido presentouse na Porta do Parque do Arsenal tratando de acceder ao recinto militar, algo que lle impediu a garda militar do recinto, ao requirirlle a súa identificación. Ante isto, o mozo negouse e iniciou a proferir diversas manifestacións cada de vez nun ton maior, supostamente en árabe.
Foi entón cando os integrantes da garda militar procederon a pechar a porta de acceso ao Arsenal, momento no que o mozo emprendeu a fuxida á carreira e conseguiu penetrarse no recinto militar. Isto motivou a realización por parte da seguridade dun disparo de advertencia e intimidación ao aire.
O individuo logrou lanzarse á auga desde o peirao e saír aos poucos minutos da mesma polos seus propios medios, momento no que foi retido e custodiado por persoal da garda militar do Arsenal. Posteriormente, seguindo o protocolo de seguridade establecido para estes casos, notificouse a Seguridade Naval e á Policía Nacional o suceso, cuxos axentes se fixeron cargo do home, ao que trasladaron á comisaría para proceder á súa identificación.
Un mozo lánzase ao mar despois de saltar o control de seguridade do Arsenal Militar de Ferrol
Os integrantes da garda militar realizaron un disparo ao aire cando o individuo logrou entrar no recinto sen permiso
