Un vehículo atropelou na madrugada deste mércores a dúas persoas na Estrada de Castela, en Ferrol, e continuou a marcha sen deterse a socorrer as vítimas. Así o confirmaron ao 112 Galicia os servizos sanitarios de urxencia e os axentes da Policía Local que acudiron ao lugar para socorrer aos feridos polo impacto.
Tras recibir o aviso ás 3.30 horas da madrugada, o persoal do centro de atención ás urxencias pediu a colaboración dos axentes de seguridade local e informou os bombeiros da cidade, aínda que os feridos estaban liberados e accesibles.
