Un vigués que sufriu 37 picadas de avispa velutina cando traballaba nunha leira pasou dous días no Hospital Álvaro Cunqueiro.
O incidente ocorreu cando José Ángel Costas esmagou co seu tractor unha silveira baixo a que estaba o niño de avispas. Estas picáronlle por todo o corpo e producíronlle unha inflamación na gorxa que case non lle deixaba respirar.
Este veciño de Cabral, que aínda ten marcas por todo o corpo, explicaba así o sucedido na TVG: "Viñeron detrás de min e grazas que veu ambulancia pronto e non son alérxico; se non, morro".
Os bombeiros non puideron desactivar o niño e precintaron o zarzal.