A situación meteorolóxica estará marcada polas altas presións na xornada do luns, que volven entrar en Galicia logo das precipitacións que caeron sobre a comunidade nos últimos días.
Así, para este luns espéranse bancos de néboa matinais nas zonas do interior e ceos moi nubrados no resto ao principio do día. Despois, abrirase paso unha alternancia de nubes e claros e que se irá despexando ao longo da xornada.
Pola súa banda, as temperaturas mínimas sufrirán un lixeiro descenso, mentres que as máximas experimentarán un suave ascenso. Os ceos soprarán frouxos do suroeste con algún intervalo moderado no litoral de A Coruña.
ALERTA NO LITORAL. Meteogalicia activou o aviso laranxa para este luns na costa da provincia da Coruña por mar combinado de oeste a noroeste. Así, as ondas poderían alcanzar unha altura de entre 5 e 6 metros.
Segundo o boletín de avisos de Meteogalicia, esta situación estenderase desde a medianoite de domingo a luns ata as 9.00 horas da mañá. A partir de entón, a alerta volverá ser amarela con ondas de 4 a 5 metros.
Ademais, o litoral das provincias de Lugo e Pontevedra permanecerá este luns baixo alerta amarela ata as 18.00 horas da tarde.
Deste xeito, a costa da comunidade galega verase influenciada por un vento que tamén porá en aviso por fenómenos costeiros a Asturias, Mallorca, Menorca, Cantabria, Guipúzcoa, Biscaia, Xirona e Tarragona.
