A directo xeral de Familia, Infancia e Dinamización Demográfica, Amparo González, asegurou nunha reunión informativa coas persoas promotoras das Casas Niño da provincia de Ourense que a Xunta seguirá apoiando o funcionamento desta iniciativa, que termina este ano a súa experiencia piloto, a cal tiña unha duración de tres anos.
O obxectivo desta medida é o de dar un servizo, a través de vivendas particulares, aos pais de fillos en idades temperás que teñen dificultades para conciliar os labores familiares coas laborais.
Con esta medida, o Goberno autonómico garante a continuidade dos recursos deste tipo, que xa conta con 61 Casas Niño repartidas por toda Galicia.
Tal como explicou o Executivo galego nun comunicado, as Casas Niño están dirixidas a familias que residen en concellos de menos de 5.000 habitantes. "Ademais de facer máis fácil a ida destas familias, estes equipamentos contribúen a fixar poboación e a dinamizar a economía local", subliñou.
Dita reunión tamén permitiu que as persoas promotoras destes niños compartisen experiencias para "avanzar na mellora da atención prestada". Así mesmo, a Xunta traballa nunha nova orde de axudas para este ano.
O obxectivo desta medida é o de dar un servizo, a través de vivendas particulares, aos pais de fillos en idades temperás que teñen dificultades para conciliar os labores familiares coas laborais. "As Casas Niño son recursos gratuítos para as familias. Cada unha delas atende de xeito personalizado e nun horario flexible de luns a venres ata un máximo de cinco nenos de 0 a 3 anos. Na actualidade, hai 61 recursos deste tipo repartidos por toda a xeografía galega e serán 76 cando termine a lexislatura", destacou o Goberno autonómico.
