O pánico apoderouse das persoas que asistían ao Global Citizen Festival en Central Park, Nova York. Un valo caeu ao chan e varias persoas confundiron ese ruído co estrondo dunha arma. E desatouse o caos. A multitude creu estar a sufrir un ataque terrorista e comezou a correr e a gritar.
WATCH: Chris Martin and NYPD Assistant Chief Kathleen O'Reilly explain that a fence barrier collapsed at #GlobalCitizen Festival; there were no shots fired: "You're all safe." pic.twitter.com/wiAbyMVjqh
— MSNBC (@MSNBC) 29 de setembro de 2018
Ante esta situación, e contando coa invitación das autoridades policiais, o cantante de Coldplay, Chris Martin, subiu ao escenario para dirixirse ao público e pedir calma. "Estades todos seguro. Non houbo disparos. Foi a caída dun valo", explicou o artista. Os medios norteamericanos coinciden en sinalar que o ocorrido mostra o medo interiorizado da cidadanía estadounidense a ataques terroristas ou tiroteos masivos.
