Dous descoñecidos fixeron estalar unha bomba dentro de restaurante indio nos arredores de Toronto (Canadá), o que provocou feridas a 15 persoas, 3 das cales de gravidade, informaron este venres as autoridades.
O restaurante no que explotou a bomba na noite do xoves, está situado na cidade de Mississauga, na rexión de Peel (Ontario).
A Policía Rexional de Peel informou de que os dous suxeitos entraron no restaurante sobre as 22.30 hora local (02.30 do venres GMT) e "detonaron un artefacto explosivo improvisado" antes de darse á fuga.
Unha imaxe das cámaras de seguridade distribuída pola Policía a través de Twitter mostra aos dous suxeitos ingresando no restaurante encapuchados e con todas as partes do corpo tapadas.
2 suspects attended the scene, detonated an Improvised Explosive Device within the restaurant. Several injured were taken to local hospital and 3 in critical condition were taken to a Toronto Trauma Centre. pic.twitter.com/yzCT59UVN6
— Peel Regional Police (@PeelPoliceMedia) 25 de mayo de 2018
Como consecuencia da explosión resultaron feridas 15 persoas, que foron trasladadas a hospitais, de acordo á información do Servizo Paramédico Rexional de Peel.
Tres dos feridos presentaban "feridas graves" e foron trasladados a centros de traumatoloxía.
