Preto de 50 civís foron asasinados nun poboado do centro de Mali nun ataque que a policía maliana atribuíu a milicias Donzo, formadas por cazadores tradicionais de etnia bambara enfrontados aos pastores de etnia peul.
Os feitos sucederon o sábado, no poboado de Koumaga,en pleno centro do país, segundo informaron fontes policiais, e convértense, a falta de confirmación oficial, nunha das matanzas máis graves rexistradas en Mali.
As vítimas son adultos, nenos e anciáns peuls que se atopaban cultivando os seus campos ou dando de pastar aos seus animais cando foron sorprendidos por un comando armado que os asasinou fríamente sen que se coñezan as razóns. O exército e a policía enviaron reforzos desde todas as localidades de ao redor en busca do comando donzo (que en lingua bambara significa cazadores).
As vítimas son adultos, nenos e anciáns peuls que se atopaban cultivando os seus campos ou dando de pastar aos seus animais cando foron sorprendidos por un comando armado
Os conflitos interétnicos polo control da terra —entre agricultores, gandeiros e cazadores— son cada vez máis sanguentos nas rexións do centro de Mali e se superponen coa violencia yihadista practicada polos numerosos grupos activos no país e co secesionismo tuareg que é estrutural no estado maliano.
O ciclo de violencia non impediu que o Estado convoque eleccións presidenciais para dentro dun mes, o 29 de xullo próximo, nas que se presenta á reelección o actual xefe de Estado, Ibrahim Boubacar Keita.
