Os ceos estarán despexados este venres en Galicia
03 de septiembre de 2020 (22:27 h.)
As temperaturas mínimas continuarán ascendendo, mentres que as máximas non cambiarán
As altas presións atoparanse durante esta xornada ao norte dos Azores e dende esa posición continuarán achegando estabilidade e aire cálido procedente do sur. Deste xeito o ceo estará en xeral pouco nubrado ou despexado, aínda que nos litorais de Lugo e A Coruña teremos algunhas nubes baixas e néboas costeiras que pola tarde poderían afectar tamén a puntos das Rías Baixas.
As temperaturas mínimas continuarán ascendendo, mentres que as máximas non cambiarán polo que a sensación seguirá sendo de calor pola tarde. Os ventos estarán en calma durante a mañá, tomando compoñente norte pola tarde.