As axudas pola praga da pataca empezarán a pagarse a partir deste luns
03 de julio de 2017 (00:13 h.)
A Xunta repartirá os 250.000 euros da axuda entre máis de 350 agricultores, 241 deles da provincia de Lugo
A Consellería de Medio Rural empezará este luns a facer efectivas as indemnizacións pola retirada da pataca nas zonas afectadas pola praga da polilla guatemalteca. Está previsto que se abonen a 374 agricultores –241 deles de Lugo–, cuxos expedientes xa foron revisados.
Nesta primeira partida, a Xunta repartirá os 250.000 euros da axuda entre os 31 concellos afectados, 18 da provincia de Lugo e 13 da Coruña.
A indemnización será de 70 céntimos por quilo para as patacas de sementa e de 30 para as de autoconsumo. Aos agricultores das zonas afectadas, que tiveron que arrincar os tubérculos, abonaránselles 40 céntimos por metro cadrado de superficie plantada.