Os alumnos do Centro Superior de Hostalería, de prácticas en 12 países
Un total de 352 alumnos do Centro Superior de Hostalería de Galicia (CSHG), dependente de Turgalicia, fan prácticas de verán en establecementos hostaleiros de España e o estranxeiro (Dubai, México, República Dominicana, Holanda, Alemaña, Reino Unido, Bélxica, Francia, Luxemburgo, Malta e República Checa).
A estancia nestas empresas é unha parte importante da formación do CSHG e incorpórase ao expediente académico de cada alumno.
O obxectivo principal é que os estudantes coñezan en profundidade os máis importantes departamentos da hostalería (Servizos, Cociña e Aloxamento) e a xestión de hoteis; perciban a realidade do sector e poñan en práctica os coñecementos adquiridos durante o curso para adaptalos á realidade hostaleira.
O plan de estudos do CSHG estipula a obrigatoriedade das prácticas todos os anos.