Un arxentino de 29 anos que acosaba polas redes sociais a unha nena de 11 recibiu unha malleira do pai da menor, despois de tentar quedar con ela en Bos Aires.
O acosador citara á nena mediante WhatsApp, pero esta ensinoulle as mensaxes e fotografías que lle enviaba —con alto contido sexual— ao seu pai, segundo relataron os medios e a Xustiza arxentina. O proxenitor fíxose pasar pola menor e citou ao home nunha rúa de Bos Aires e, tras darlle varias puñadas na cara e o corpo, alertou á Policía.
Ademais, fíxolle unha foto coa cara ensanguentada e publicouna no seu perfil de Facebook. "Este fillo de puta é un violín. Mandáballe mensaxes á miña filla de 11 anos", escribiu na rede social, onde tamén compartiu capturas do chat telefónico.
Ambos os homes están imputados, un por un delito de lesións e o outro por ciberacoso.