A Garda Civil ha detido a un residente na localidade coruñesa de Muros tras atropelar a un peón a quen non auxiliou en Outes, e con quen tiña desavinzas persoais, e acúsao dun delito de homicidio en grao de tentativa.
Axentes da Agrupación de Tráfico pertencentes ao Grupo de Investigación e Análise de Tráfico, apoiados por efectivos do Equipo de Atestados do Destacamento de Tráfico de Corcubión, detiveron o luns a este muradán de 33 anos.
Os feitos que se lle imputan ocorreron no mes de febreiro nunha parroquia do municipio veciño de Outes, cando o agora detido atropelou co seu vehículo a un peón que circulaba pola rúa e deuse á fuga sen auxiliar ao ferido. A vítima quedou tendida na calzada ata que foi achado por uns veciños do lugar que avisaron aos servizos de urxencias, segundo apuntan desde o Instituto Armado. Logo de ser trasladado ao CHUS, tivo que permanecer varias semanas ingresado no hospital debido ás graves feridas que sufriu.
Aínda que nun primeiro momento as evidencias apuntaban a un accidente de circulación, os axentes, tras unha ardua investigación, demostraron que se trataba dun intento de homicidio, debido a certas desavinzas persoais que había entre eles. Os feitos foron postos en coñecemento do Xulgado de Instrución de Muros e ao detido impútaselle a suposta autoría dun delito de homicidio en grao de tentativa.
Acusado de intento de homicidio un condutor por un atropelo en Outes
O home foi detido tras atropelar a un peón a quen non auxiliou e con quen tiña desavinzas personais
