Aparatoso incendio dun veleiro na ría de Vigo

O aparatoso incendio dun veleiro na ría de Vigo disparou este martes as alarmas e obrigou a mobilizarse a efectivos dos equipos de rescate, tanto de Salvamento Marítimo como da Garda Civil. O propietario da embarcación e único tripulante a bordo no momento do suceso tivo que lanzarse á auga para porse a salvo, utilizando na súa fuxida unha táboa con remo. Foi recollido por bateeiros en bo estado.

Salvamento Marítimo enviou unha embarcación á zona, a Salvamar Mirach, que se encargou dos labores de extinción e de remolcar o veleiro ao porto de Cangas. Alí quedou depositada a embarcación sinistrada.

Veleiro incendiado en ETEA/Teis en Ría de Vigo. O seu único tripulante abandonou a embarcación nunha táboa con remo, recollido por bateeiros en bo estado. SALVAMAR MIRACH sufoca o incendio e achica e remolca o veleiro ao porto de Cangas, onde queda depositada no varadero pic.twitter.com/3dficUiVIB<> — SALVAMENTO MARÍTIMO (\salvamentogob) 27 marzo 2018<>