Un edificio de tres pisos deshabitado aínda que ocasionalmente ocupado por indixentes viuse afectado esta madrugada polas chamas no seu primeiro piso a causa posiblemente dunha cabicha, pero no que non houbo que lamentar danos persoais, informa Urxencias 112.
O lume comezou sobre as cinco desta madrugada na rúa Saavedra e calcinou un colchón, unha cama e unha persiana.
O 112 Galicia avisou a Urxencias Médicas, os Bombeiros de Betanzos, a Policía Local e Protección Civil da localidade.
Os efectivos do parque comarcal confirmaron que o lume se iniciou no primeiro piso e que non afectou o resto das vivendas.
Arde un piso dun edificio ocupado ocasionalmente por indixentes en Betanzos
A causa puido ser unha cabicha. Non houbo que lamentar danos persoais
