Un home alérxico resultou afectado este xoves pola picadura dunha avispa cando traballaba nunha zona de monte no termo municipal de Toén, polo que necesitou asistencia médica.
Segundo informou o 112 Galicia, o equipo médico a bordo do helicóptero con base en Ourense atendeu o home afectado pola picadura dunha avispa. As mesmas fontes concretaron que o home, que estaba a traballar nunha zona de monte na parroquia de Trelle, en Toén, é alérxico e necesitou asistencia médica urxente.
Os feitos sucederon uns minutos antes das 10.00 horas. Foi un compañeiro do afectado o que chamou ao 112 Galicia para pedir axuda, tras o que o persoal do centro de urxencias avisou aos servizos sanitarios de urxencia, que enviaron o helicóptero medicalizado. Tamén foron informados os membros do GES de Ribadavia, voluntarios de Protección Civil da localidade e os axentes da Garda Civil. O helicóptero tomou terra na base que teñen na zona os equipos de extinción de lumes forestais.
Asisten un home alérxico pola picadura dunha avispa en Toén
A vítima, que estaba a traballar nun monte, necesitou asistencia médica urxente
