Un accidente de tráfico sen feridos, no que se viron implicados tres vehículos, provocou este martes colas quilométricas na autovía que pasa por Milladoiro, na Coruña, informou o 112.
No sinistro víronse implicados tres vehículos, dous turismos e un camión que chocaron entre si, causando importantes retencións de tráfico na vía.
Nun primeiro momento, un condutor alertou ao 112 do suceso, ocorrido no quilómetro 1 dirección Santiago e, acto seguido outro informante contactou co teléfono de urxencias baixo a dúbida da existencia de feridos na "colisión por alcance", como a definiron os equipos de urxencias.
Automaticamente, ambulancias, patrullas da Garda Civil de Tráfico e o equipo do 112 acudiron ao lugar para comprobar o estado dos condutores e ocupantes dos vehículos.
Neste contratempo unicamente houbo danos materiais.
Colas quilométricas en Milladoiro tras un accidente sen feridos
No sinistro víronse implicados tres vehículos, dous turismos e un camión que chocaron entre si, afortunadamente sen deixar danos persoais