Catro persoas resultaron feridas de diversa consideración logo de sufrir un choque frontal entre dous turismos en Paderne, na Coruña. Os ocupantes dos vehículos foron evacuados a un centro hospitalario.
O particular que se puxo en contacto co 112 asegurou que había persoas atrapadas nun dos coches, polo que se solicitou a intervención dos bombeiros de Betanzos. Finalmente, non tiveron que intervir ao confirmarse que as persoas estaban liberadas e accesibles.
No dispositivo de urxencia tamén participaron os servizos de urxencias, a Garda Civil e Protección Civil de Paderne.
