Tres vehículos chocaron este domingo pola tarde na AC-162, ao paso polo concello de Bergondo. Como consecuencia do golpe, dúas persoas resultaron feridas e foron atendidas polos profesionais de Urxencias Médicas no mesmo lugar do accidente.
O sinistro produciuse ao redor das catro da tarde, concretamente, no lugar de Reboredo. Segundo explicaron os servizos de urxencias, a causa do impacto, resultou danado o mobiliario urbano que separa a calzada da senda peonil.
Así, o persoal do 112 Galicia pediu a colaboración do equipo de limpeza e mantemento da Axencia Galega Infraestruturas, así como da Garda Civil de Tráfico e do servizo sanitario de urxencias. Tamén avisaron aos Bombeiros de Betanzos.
Dúas persoas resultan feridas nunha colisión múltiple en Bergondo
No choque víronse implicados tres vehículos ► O mobiliario urbano viuse danado polo impacto
