Dous motoristas resultaron feridos ao chocar o vehículo no que viaxaban cun turismo en Rianxo, informa a Axencia Galega de Urxencias.
A motocicleta e o coche circulaban á altura do lugar de Outeiro, na localidade de Rianxo, sobre as 10 horas, cando os dous motoristas acabaron no chan e un particular alertou ao 112.
Debido á gravidade das lesións desprazouse ao lugar un helicóptero medicalizado e ambos os feridos foron trasladados ao Hospital Clínico Universitario de Santiago de Compostela.
Tamén se solicitou a colaboración dos axentes de Tráfico, dos bombeiros de Boiro e dos efectivos de Protección Civil desa mesma localidade.