En perfecto estado un bebé ao que caeu un anaco de cornixa en Cee
12 de octubre de 2015 (18:56 h.)
O neno de oito meses sufriu unha contusión facial debido ao desprendemento da zona superior dunha vivenda
O bebé ao que caeu o anaco dunha cornixa desprendida dun edificio na localidade coruñesa de Cee está en perfecto estado tras sufrir unha contusión facial, informan fontes municipais a Efe.
Este domingo pola mañá de xeito fortuíto desprendeuse unha parte da zona superior dunha vivenda ao baleiro e caeu sobre o carro dun bebé de oito meses ao que levaban os seus pais.
O anaco de cornixa impactou nunha barra de protección do transporte do pequeno, o que evitou un golpe maior, e provocou unha contusión facial, da que foi atendido no complexo hospitalario Virxe da Xunqueira.
Os médicos deron o alta ao pequeno horas despois co único dano da citada contusión.