Un veciño do municipio ourensán de Carballeda de Avia foi evacuado en helicóptero tras sufrir unha picadura dunha avespa, segundo informou o CIAE 112 Galicia.
Esta persoa é alérxica á picadura deste insecto, polo que tivo que ser mobilizado o helicóptero medicalizado con base en Ourense.
O suceso tivo lugar ao redor das 11.00 horas deste sábado no campo de fútbol de Abelenda das Penas. Desde o 112 tamén se informou a Protección Civil e a Garda Civil.
Evacuado un veciño de Carballeda de Avia ao que picou unha avespa
Os feitos producíronse no campo de fútbol de Abelenda das Penas