Un operario da construción resultou este martes ferido de consideración tras caer ao chan desde unha altura mentres reparaba unha cuadra na localidade coruñesa de Val do Dubra, informa Urxencias 112.
O accidente ocorreu sobre as 11.30 horas no lugar de Cornes, en Vilariño.
Debido ao forte impacto, o 112 requiriu a presenza do helicóptero medicalizado con base en Santiago de Compostela, que se desprazou ao lugar dos feitos. Así mesmo, solicitou a colaboración da Garda Civil e de Protección Civil de Val do Dubra.
Ferido grave tras caer desde o tellado dunha cuadra en Val do Dubra
Debido ao forte impacto, requiriuse a presenza do helicóptero medicalizado de Santiago
