Un home de 87 anos e a súa muller, de 84, resultaron feridos na mañá deste xoves nunha colisión na Nacional 640 ao seu paso polo centro urbano de Cuntis.
O home foi trasladado en ambulancia ao Hospital Domínguez e a muller foi atendida no Centro de Saúde, á espera de ser derivada, tamén, ao mesmo centro hospitalario.
Ambos viaxaban nun coche sen carné contra o que impactou outro turismo que, ao parecer, incorporábase do viario xunto á farmacia. O condutor do segundo coche implicado resultou ileso. Ao momento trasladáronse Protección Civil, Policía Local, Garda Civil de Tráfico e Conservación de Estradas.
