Unha nena de tres anos resultou este mércores ferida tras ser atropelada cando se atopaba nun paso de peóns en Ourense. Un turismo impactou coa menor e unha das súas rodas pasoulle "por encima do pé", segundo informaron fontes da Policía Local.
Os feitos ocorreron pasadas as tres da tarde en cálea Escultor Faílde, á altura do número 10, no barrio das Lagoas.
Fontes policiais sinalaron que o prognóstico da menor é "reservado", e sinalaron que non se descarta unha posible fractura. A nena foi trasladada en ambulancia medicalizada ao Complexo Hospitalario Universitario (Chuo) de Ourense.
Ferida unha nena de 3 anos ao ser atropelada nun paso de peóns de Ourense
Un turismo impactou coa menor e unha das súas rodas pasoulle por encima do pé
