Un peón resultou este xoves ferido ao ser atropelado por mor dunha colisión en cadea de varios turismos na N-VI ao seu paso por Oleiros, informa Urxencias 112. O accidente ocorreu pasadas as 16.30 horas no cruzamento de Perillo.
De inmediato, o persoal do Centro de Atención ás Urxencias 112 pasou aviso a Urxencias Médicas, Garda Civil de Tráfico, Policía Local e Servizo Municipal de Protección Civil. Unha vez no lugar dos feitos, o ferido foi evacuado en ambulancia ao hospital.
Así mesmo, unha muller perdeu este xoves a consciencia tras unha colisión entre un turismo e un camión na AC-11, na Coruña, engaden as mesmas fontes. O sinistro produciuse ao redor das 17.20 horas na Avenida Alfonso Molina. O camión transportaba gasóleo no momento de sufrir o impacto, que non afectou á carga.
Ferido un peón atropelado debido a unha colisión múltiple en Oleiros
Unha muller perdeu a consciencia nun choque entre un coche e un camión na Coruña
