Unha muller saíu despedida tras ser golpeada por un turismo logo de sufrir un atropelo na Avenida da Mariña, en Sada (A Coruña).
Varios veciños alertaron sobre as 19:15 horas ao 112 Galicia tras ver como un vehículo golpeaba unha muller e a vítima saía despedida como consecuencia do impacto.
A muller, tras recibir os primeiros coidados no lugar do suceso, foi evacuada ao Complexo Hospitalario Universitario da Coruña para ser atendida das lesións provocadas polo impacto.
Os servizos sanitarios contaron tamén coa colaboración dos axentes da Policía Local.
