Os bombeiros da Coruña rescataron este venres a un home que se quedou bloqueado na súa vivenda, nun sexto piso, tras un incendio no acceso ao domicilio.
Efectivos do Corpo de Bombeiros da cidade herculina recibiron un aviso ás 11.11 horas deste venres, cando un residente no número 142 da rolda de Outeiro alertou de que ardía o seu vestíbulo.
Os bombeiros, segundo explicaron a Efe, acudiron de inmediato e localizárono na terraza do sexto piso, onde estaba bloqueado polo lume xusto no punto por onde se accede á súa vivenda.
Cun vehículo con escaleira, rescataron a este home, de mediana idade, sen lamentar danos persoais, aínda que se rexistraron danos materiais no seu fogar.
Agora será a autoridade xudicial a que determine se o incendio puido ser provocado.