Os labores de procura do mozo que caeu ao mar o pasado 23 de xaneiro continúan sen éxito na contorna de Lobadiz, en Ferrol, onde este martes se ampliou o operativo desde terra unha vez transcorridos os nove días previsiblemente necesarios para que o corpo salga á boia.
Nestes momentos, atópanse na zona membros do corpo de bombeiros de Ferrol e de Protección Civil, así como efectivos da Garda Civil e Policía Local, que están a pór a atención nas praias e no mar, que desde o suceso apenas estivo en calma, unha cuestión que dificulta os labores.
Este martes avistouse un vulto na auga que fixo desprazarse á zona á embarcación Salvamar Mirfak, de Salvamento Marítimo, pero finalmente comprobouse que se trataba de restos de lixo.
O desaparecido é un mozo de 28 anos que foi arrastrado por unha onda cando saíu a buscar percebes co seu irmán, aínda que este quedou atrapado entre as rocas e puido salvarse.
Segue a procura do mozo que caeu ao mar en Ferrol, dez días despois
O operativo terrestre ampliouse este martes cunha maior atención ao mar e ás praias da contorna de Lobadiz
