Un total de seis persoas resultaron feridas este luns en dous accidentes ocorridos en Cospeito (Lugo) e Cotobade (Pontevedra), respectivamente.
No municipio lucense, un particular alertou ao CAE 112 Galicia, sobre as 12.00 horas, dunha colisión entre dous vehículos que circulaban pola LU-111, no lugar da Millarada.
O alertante asegurou que tres persoas necesitaban asistencia sanitaria. Por iso, desde o 112 Galicia pasouse aviso a Urxencias Médicas e á Garda Civil de Tráfico que xa tiña constancia do accidente.
Case á mesma hora, os servizos sanitarios de urxencia informaban ao CAE 112 Galicia doutro accidente en Cotobade. Neste caso, tamén se tratou dunha colisión entre dous turismos, e outras tres persoas resultaron feridas. A colisión tivo lugar no cruzamento da Dorna, na N-541.
Seis persoas resultan feridas en dous accidentes en Cospeito e Cotobade
O rexistrado no municipio lucense ocorreu na LU-111, no lugar da Millarada, e nel víronse implicados dous vehículos, os mesmos que no que tivo lugar no municipio pontevedrés, no cruzamento da Dorna