Trasladan ao hospital a unha muller embarazada tras un choque en Oleiros
22 de febrero de 2017 (20:37 h.)
O accidente produciuse entre dous vehículos na AC-174
Unha muller embarazada foi trasladada ao Hospital Materno da Coruña despois dun choque entre dous vehículos en Oleiros. Os feitos tiveron lugar na AC-174, concretamente no punto quilométrico 3.
Unha persoa particular alertaba do accidente ao 112 Galicia ás 16.10 horas. Segundo indicou no seu relato, había restos dos coches na vía.
O Centro de Atención ás Emerxencias 112 Galicia pasou o aviso a Urxencias Médicas, á Policía Local, á Protección Civil da localidade e aos Bombeiros de Arteixo. O 112 Galicia informou, tamén, á Garda Civil de Tráfico e ao servizo de mantemento da estrada.