Tres feridos nunha colisión tripla en Carballo

Tres persoas resultaron feridas nunha colisión entre outros tantos vehículos no municipio coruñés de Carballo, informa a Axencia Galega de Urxencias a través dun comunicado.

Ás 15.40 horas deste xoves no quilómetro vinte e cinco da AC-413, a estrada que une Carballo con Ordes, á altura do lugar de Sofán rexistrouse un incidente que consistiu no choque de dous vehículos cun terceiro que estaba estacionado.

Os bombeiros de Carballo, Urxencias Médicas, Protección Civil, a Garda Civil de Tráfico e profesionais de Urxencias acudiron ao suceso, que se saldou con tres feridos, aínda que ningún atrapado nos vehículos.