Unha muller sufriu diversas queimaduras este martes debido á explosión dunha pota expresa na súa casa de Barbadás, en Ourense. O suceso produciuse cando a vítima manipulaba a pota, escorregoulle das mans e caeu ao chan.
As queimaduras afectaron ás súas dúas pernas. Os servizos de urxencias atenderon á ferida, comprobaron a calidade do aire e ventilaron a cociña, onde se produciu un pequeno lume. Os medios de Protección Civil de Barbadás tamén acudiron para socorrer á muller.
