Unha persoa resultou ferida na tarde deste martes ao sufrir un accidente co tractor que manexaba en Xinzo de Limia, segundo informou o CAE 112 Galicia.
En concreto, a máquina agrícola envorcou cando circulaba pola estrada que une a localidade coa parroquia de Moreiras. A persoa ferida foi trasladada nun coche particular ata un centro sanitario e o tractor quedou envorcado na cuneta á espera de ser retirado.
O 112 Galicia tivo constancia dos feitos minutos logo das 17.30 horas, a través do aviso dos efectivos de Protección Civil de Xinzo. Acto seguido, o persoal do Centro de Atención ás Emerxencias informou aos Bombeiros da localidade, á Policía Local e á Garda Civil de Tráfico.
Unha persoa resulta ferida ao envorcar o tractor que conducía en Xinzo
O accidente produciuse na estrada que une a localidade coa parroquia de Moreiras
