Máis de 17.000 afectados e 800 falecidos na ascensión ao pico de contaxios en España

El Hospital Universitario VIrgen del Rocío ilumina su cúpula de verde como símbolo de resiliencia para los profesionales y ciudadanos.
photo_camera O Hospital Universitario Virxe do Rocío de Sevilla iluminou a súa cúpula de verde como símbolo de resiliencia. EP

Chegar ao pico de contagios, e facelo canto antes, é agora o obxectivo na loita contra a epidemia de coronavirus. Este xoves supéranse xa as 17.000 persoas afectadas, con máis de 3.500 novos casos, e os 800 falecidos, tras sumar máis de 190 en 24 horas.

Neste quinto día do estado de alarma, no que Italia superou a China en número de falecidos (pasa xa dos 3.400), as novas infeccións detectadas aumentaron por enriba dun 25% e algo máis as mortes, coa Comunidad de Madrid como a máis afectada, con 6.777 positivos e 498 falecementos. Séguena Cataluña (3.270) e País Vasco (1.190).

Os últimos datos da Dirección Xeral de Saúde Pública da Consellería de Sanidade sitúan o número de casos de coronavirus activos en Galicia en 444 casos. Deles 136 son da área da Coruña, 36 da de Lugo, 46 da de Ourense, 59 da de Pontevedra, 84 da área de Vigo, 68 da de Santiago, e 15 da de Ferrol.

Falece un mozo de 21 anos en Barcelona
Cataluña supera xa os 80 falecementos, aos que se sumou este xoves o dun mozo de 21 anos e veciño de Badia do Vallès (Barcelona), segundo informou o Concello nun comunicado. Estaba hospitalizado e tiña "condicionantes de saúde que predisponían ao risco".

Comentarios