A farmacéutica suíza Novartis recoñeceu a posible relación entre a morte dun bebé de seis meses e un tratamento experimental da firma en proceso de aprobación para a súa comercialización.
Segundo informa Cinco Días, o pequeno participaba nun ensaio clínico coa terapia génica experimental Zolgensma, que pretende combater a atrofia muscular espinal que sufría o paciente mediante a corrección de fallos debilitantes en xenes. Esta enfermidade entraña un elevado risco de morte antes dos dous anos
A morte do bebé produciuse durante a última etapa da terapia por mor dunha infección respiratoria grave. A compañía e a familia aínda están pendentes dos resultados da autopsia.
