jueves. 05.08.2021 |
El tiempo
jueves. 05.08.2021
El tiempo

A AAAG acorda non entregar xerras de Sargadelos aos gañadores dos Premios María Casares

Xerras de Sargadelos entregadas como trofeos nas anteriores edicións dos María Casares. EP
Xerras de Sargadelos entregadas como trofeos nas anteriores edicións dos María Casares. EP

A asociación censura a actitude "hostil" do administrador único da empresa cara á acción sindical

A Asociación de Actores e Actrices de Galicia (AAAG), como entidade organizadora dos Premios de Teatro María Casares, prescindirá das tradicionais xerras de Sargadelos como trofeo para as gañadoras e os gañadores das catorce categorías nas que se dividen os galardóns.

 A xunta directiva da AAAG tomou esta difícil decisión tras 22 anos entregando as xerras do histórico grupo empresarial ubicado en Cervo. Os motivos residen na dirección que tomou o grupo Sargadelos nos últimos tempos que, a ollos do colectivo de actores, "desvirtúa o histórico proxecto promovido dende a súa orixe por Isaac Díaz Pardo e Luís Seoane". 

A organización tamén censura a "actitude completamente hostil por parte do administrador único do grupo Sargadelos cara á acción sindical do seu cadro de persoal".

A gala dos XXIII Premios de Teatro María Casares celebrarase o próximo 21 de marzo no Teatro Rosalía de Castro da Coruña e o prazo de inscrición de espectáculos está aberta na páxina web da AAAG até o vindeiro 7 de xaneiro. Durante a cerimonia, desvelaranse os gañadores e gañadoras das catorce categorías. O novo trofeo que recibirán darase a coñecer a comezos de 2019.

A AAAG acorda non entregar xerras de Sargadelos aos gañadores dos...
Comentarios